Gündəlik ambulator təcrübədə təşviş pozuntuları pasiyentlərin müraciətlərinin getdikcə daha çox yayılmış səbəbinə çevrilir¹. Təşviş çox vaxt somatik simptomlarla maskalanır: döş qəfəsində ağrı, təngnəfəslik, ürəkbulanma, istilik basmaları və üzvi səbəbi olmayan digər şikayətlər. Bu, diaqnostikanı çətinləşdirir və yanaşı xəstəlikləri nəzərə almaqla diqqətli diferensial diaqnostikanı, həmçinin effektiv və təhlükəsiz müalicənin seçilməsini tələb edir.

Sedasiya yaratmayan anksiolitik

Komorbid patologiyası olan pasiyentlərdə effektivliyi sübut edilmiş və yaxşı keçirilən gündüz anksiolitiki olan Adaptol® (temgikoluril) seçim preparatı ola bilər^1,2. Adaptol® limbik-retikulyar kompleksə təsir edir, həmçinin 4 əsas neyromediator sisteminin hamısına: QAYT-, xolin-, serotonin- və adrenergik sistemlərə təsir göstərir³. Sedasiyaya səbəb olmur, əqli və hərəki aktivliyi pozmur, pasiyentə həyatının adi ritmini və əmək qabiliyyətini qoruyub saxlamağa imkan verir. Alışqanlığın, ləğvetmə sindromunun və eyforiya effektinin olmaması preparatı ambulator təcrübədə xüsusilə dəyərli edir^1-3.

Temgikolurilin effektivliyinə dair yeni tədqiqat

2023–2024-cü illərdə Latviyada müşahidə xarakterli, müdaxiləsiz tədqiqat aparılmışdır, tədqiqatın məqsədi ambulator pasiyentlərdə təşviş zamanı Adaptol® preparatının effektivliyini qiymətləndirmək olmuşdur¹.

Materiallar və metodlar

• 100 pasiyent
• 18–70 yaş (orta yaş — 48 yaş)
• Müalicəyə başlamazdan əvvəl GAD-7 üzrə orta bal — 10,9 bal
• Adaptol® preparatının 500 mq dozada gündə 2 dəfə olmaqla 3 həftə ərzində istifadəsi

Nəticələr ¹

• GAD-7 şkalası üzrə təşviş səviyyəsi orta hesabla 10,9 baldan 6,4 bala qədər azalmışdır
• Minimal klinik əhəmiyyətli yaxşılaşma (≥4 bal azalma) pasiyentlərin 67%-də əldə edilmişdir

Adaptol® preparatının təhlükəsizlik profili

• Müxtəlif qruplardan olan pasiyentlərdə, o cümlədən yaşlı və komorbid pasiyentlərdə preparatın istifadəsinin təsdiqlənmiş təhlükəsizliyi¹
• Ürək-damar xəstəliklərinin müalicə sxemlərinə əlavə edildikdə əlavə reaksiyaların olmaması¹
• Yaxşı keçirilmə¹

Yekun nəticələr

Yekun rəy

Yeni tədqiqat göstərmişdir ki, somatik patologiya fonunda təşviş simptomatikası olan pasiyentlərdə Adaptol® artıq 3 həftədən sonra nəzərəçarpan klinik təsiri təmin edir. Bununla yanaşı, preparat digər dərman preparatları ilə yaxşı uyğunlaşır və asılılıq yaratmır^1,3.

Klinik nəticələr¹

• Adaptol® — somatik simptomatika ilə müşayiət olunan təşviş zamanı effektiv anksiolitikdir^1-3
• Yaxşı keçirilir, o cümlədən komorbid patologiyası olan yaşlı pasiyentlər tərəfindən¹
• Sedasiyaya səbəb olmur, aktiv həyat tərzi sürən pasiyentlər üçün uyğundur³

GAD-7 (Generalized Anxiety Disorder) — generalizə olunmuş təşviş pozuntusunun qiymətləndirilməsi üçün sorğu vərəqəsi

QAYT — qamma-aminyağ turşusu

Mənbələr

1. Taube M. Efficacy of Adaptol® 500 mg tablets in patients with anxiety and somatic symptoms of anxiety disorder: a noninterventional study, 2025.
2. Левин О.С., Рачин С.А. Эффективность Адаптола в терапии эмоциональных нарушений у пациентов с соматической патологией. Фармакология и фармакотерапия. 2022; 5:68-72.
3. Adaptol® dərman vasısinin tibbi istifadəsi üzrə təlimat. Müraciət tarixi: 12.08.2025