Sayt kukilərdən istifadə edir
Saytımız saytın performansını, səmərəliliyini və rahatlığını yaxşılaşdırmaq üçün kukilərdən istifadə edir. Saytdan istifadə etməyə davam etməklə siz kukilərdən istifadə ilə razılaşırsınız Daha ətraflı
Saytımız saytın performansını, səmərəliliyini və rahatlığını yaxşılaşdırmaq üçün kukilərdən istifadə edir. Saytdan istifadə etməyə davam etməklə siz kukilərdən istifadə ilə razılaşırsınız Daha ətraflı
Ürəyin struktur patologiyası olmayan şəxslərdə meydana çıxan ürək ritminin mədəcik mənşəli idiopatik pozulmaları, yəni aritmiyalar, nəinki pasiyentlər üçün öz əhəmiyyətinə görə, həm də bu cür xəstələrin aparılmasına dəqiq yanaşmaların mövcud olmaması ilə əlaqədar olaraq aktual bir problem hesab olunur.
Bu cür aritmiyaları olan pasiyentlərin aparılması üzrə tövsiyələrin mövcud olmasına baxmayaraq, onların real təcrübədə tətbiqi obyektiv və subyektiv xarakterli bir sıra məhdudiyyətlərə malikdir. Bununla əlaqədar olaraq, müxtəlif müalicə metodlarının istifadəsinə göstərişlərin dəqiqləşdirilməsinə və konkret pasiyentin aparılmasının optimal taktikasının müəyyən edilməsinə yönəlmiş əlavə tədqiqatların aparılması aktual məsələdir.
Ürəyin struktur patologiyası olmayan şəxslərdə tez-tez baş verən ME və/və ya mədəcik taxikardiyasının (MT) müalicəsinə müxtəlif yanaşmaların ən yaxın nəticələrinin öyrənilməsi məqsədi ilə tədqiqat aparılmışdır.
Tədqiqata ürəyin struktur patologiyası olmayan, mədəcik aritmiyalarından əziyyət çəkən 85 pasiyent (21 kişi və 64 qadın; orta yaş 44 [32; 56] yaş) daxil edilmişdir. Sutka ərzində ME-nin orta sayı 15 251 [8979; 23 642] təşkil etmiş, qeyri-sabit MT 26 pasiyentdə, sabit MT — 5 pasiyentdə qeydə alınmışdır. Pasiyentlərin aparılmasının sonrakı taktikası xəstənin üstünlük verdiyi cəhətlərdən asılı olaraq müəyyən edilmişdir: 27 (32%) pasiyent aritmiya fokusunun RTA-nın yerinə yetirilməsinə, 37 (43%) pasiyent — aritmiya əleyhinə müalicəyə (AƏM) (xəstələrin bu qrupunda dərman vasitələrinin qəbulu üzrə daha əvvəlki təcrübə nəzərə alınmaqla, ən effektiv aritmiya əleyhinə preparatın seçimi həyata keçirilmişdir), 21 (25%) pasiyent — müalicə aparılmadan dinamik müşahidəyə üstünlük vermişdir.
Başlanğıc səviyyədə və 1 aydan sonra elektrokardioqramın Holter monitorinqi və SF-36 sorğu vərəqəsinin köməyi ilə həyat keyfiyyətinin (HK) qiymətləndirilməsi həyata keçirilmişdir.
Ürəyin struktur dəyişiklikləri olmadan meydana çıxan mədəcik aritmiyalarının olduğu pasiyentlərdə optimal aparılma taktikasının seçilməsi üçün HK-nin qiymətləndirilməsi məqsədəuyğundur. HK-nin səviyyəsi yüksək olan pasiyentlərə müalicənin dərhal başlanması göstəriş deyildir. İdiopatik mədəcik aritmiyaları zamanı AƏM və RTA-nın ən yaxın nəticələri oxşardır. Aritmiya əleyhinə müalicənin və ya RTA-nın müsbət nəticəsi HK-nin “psixi sağlamlığa” uyğun göstəricilərinin yaxşılaşması ilə müşayiət olunur. 1C sinfindən aritmiya əleyhinə preparat olan etasizin pasiyentlərin bu qrupunda ən effektiv aritmiya əleyhinə preparatdır (əlavə təsirlərin tezliyi 16,7% olmaqla, effektivlik 69,7%).
Qeydiyyatdan keçmiş istifadəçilər məqalənin tam versiyasına keçid vasitəsilə baxa bilərlər:
